मेरो कोखजस्तै बाँझो देश

यो भुगोलको म एक अघोषित बेश्या
म शरिर बेच्छु,सपना किन्छु
उनिहरु मेरो शरिर किनेर
मेरा सपनाहरु लिलाम गर्छन् !
दिनै पिच्छे हप्तै पिच्छे
मेरा सपनाहरु तुहिन्छन्
मेरा जिजीबिषाहरु तुहिन्छन्
जसरी बर्षै पिच्छे मेरो गर्भ तुहिन्छ !
म उर्वर भुमि भएर पनि
बाँझो खेत
न स्थायी किसान न कोही रखवाला
दिनहुँ आउने ती दलालहरु
खण्डिकृत मेरो अस्तित्व माथि
प्लटिङ् गर्छन् र जान्छन्;
मेरो भोगाई,मेरो जिवन,मेरो देश
फरक भएर पनि उस्तै
मेरो देश बाँझो;मेरो कोख जस्तै!!