अव्यक्त प्रेमको अपुरो कहानी तिम्रो जस्तै मेरो पनि
अनिँदो रातमा आँशुको सिरानी तिम्रो जस्तै मेरो पनि!!
म चौतारी बनेँ,बिसाए थकाई;कति आए कति गए
अन्तत यहाँ छ एक्लो जवानी तिम्रो जस्तै मेरो पनि!!
म फुल्थेँ मगमगाउथेँ र चुम्थ्यो भवँरा अंग अंग
झरेँ म यसै भो संसार बिरानी तिम्रो जस्तै मेरो पनि!!
नखोज,नसोध,नखोतल;चिरेर छाती देखाउन्न म
छुपाको दिलमा उसको निसानी तिम्रो जस्तै मेरो पनि!!
तिम्रोजस्तै मेरो पनि।
ReplyDeleteमकताले मनछुयो।
तिम्रो जस्तै मेरो पनि मन मुटुका स्नायुहरू सम्म पुगे ती अनमोल बचन हरू,हजुर लाई धन्यबान अनि बधाई राम्रो विचार को लागि ॥
ReplyDelete