अफसोस !!

फेरी एक पटक
समयले मलाई फर्काई दिए
जीवनको त्यो पुरानो मोडमा
म सच्याउँथे गल्तीहरु
सँगाल्थेँ विश्वासहरु
अँगाल्थेँ आत्मविश्वास
तर अफसोस्
म यो मोडमा उभिएर
केवल अफसोसमा बाँचिरहेछु
नियालिरहेछु आफैँलाई
चर्किएको मुटु बोकी
चर्किएको ऐना सम्मुख
सबै चर्किएको देख्छु
अनि
थप चर्किन्छु आफैँसँग!!

तिम्रो प्रेमको अग्नि परिक्षामा
मेरा हर एक प्रयत्नहरु
खरानी बनेका छन्
र खरानीसँग मैँले
पुन: प्रश्न गरेकी छु
तिमी प्रेम हौ या समर्पण??