पुजेर पत्थर दिनहुँ
गुनासो पोख्छौ मान्छेसँग
मान्छे भएर मान्छेलाई
मान्छे जस्तो नदेख्ने
तिम्रा बन्धक भएका आँखाहरुले
मान्छेलाई पशु
र
पशुलाई ईश्वर देख्छ
अनि खोज्दछ मान्छेकै सामिप्यता
कस्तो अजिब आदत ??
मेरो अनुरोध;
तिमी मान्छे भएर बाँच्न सिक !!
यि मान्छे जस्तै देखिने मान्छेहरु
यत्रतत्र सर्वत्र छन्
लालसै लालसामा बाँचेका
दुष्ट आत्माहरु
तिम्रै वरिपरी मडारिइ रहन्छन् ।
यौन,वैभव,सौन्दर्य जस्ता उन्मादहरुले
अन्धा भएका/बन्दि भएका
सामाजिक संरचनाभित्र
नितान्त एकाङ्गी स्वरुपमा बाँचेका
भोगवादी मनोवृत्तिबाट ग्रसित
मान्छेहरुको जमातभित्रबाट
अलग रहेर
तिमी आफुलाई
केवल मान्छे बनाउन सिक
प्रिय!
तिमी आफ्नो सत्त्वको खोजी गर !!
Great 👌
ReplyDeleteHeart touching writing
Manai choyuo