भँबरा(एक प्रेम)

भँबरा फुलको सौखिन
चुसेर रस भाग्छ पर पर
फर्कन्न कहिल्यै त्यो बागमा फेरी
मुर्झाउँछ फुल
शोकमै पलभर
म सोच्छु अक्सर
तिमी र भबँरामा के फरक छ?
फुलको उपमा दिइ
चुम्दै मेरा अंग अंग
रित्याउँदै रस यौबनको
कतै टाढाको सफर
तय गर्दैछौ तिमी
बेशक मेरा भोगाईहरु
मेरै बर्बादीको सबुत बन्दै
खबरदारी गरिरहन्छ पल प्रतिपल
तरै पनि
म लुटाउन इच्छुक
मेरो सर्बश्व कुमारित्व
लैलाको भुमिकामा
प्यासी मजनुको बाहुपासमा
किन किन पत्तो छैन
म सोध्छु
एकलास यो सन्नाटालाई
के प्रेम यस्तै हुन्छ??