लहर हुँदा टाढा त्यो बगर एक्लो भयो
उदास मेरो जिन्दगीको सफर एक्लो भयो
तिमी थियौ र त यहाँ थियो ठुलो रमझम
बिना तिम्रो आगमनमा नगर एक्लो भयो
कति कुरुँ तिम्रो बाटो हेर्दै जुनतारा
तिम्रो यादमा हरेक प्रहर एक्लो भयो
चुरापोते,धागो,सिउँदोमा सिन्दुर अनि
तिम्रै नाममा लगाउने रहर एक्लो भयो
बिर्सियौ कि कठै सानु तिम्री का़यालाई
पठाएनौ पत्र र त खबर एक्लो भयो
No comments:
Post a Comment