गजल

सम्पत्ति प्रतिको तिम्रो झुकाब बडो गजब लाग्छ
कुरुप मन चेहरामा नकाब बडो गजब लाग्छ

आफैँसँग रित्तीएर बाँचेको देख्दैछु म कठै!
फेरी यो देखावटी रबाफ बडो गजब लाग्छ

नैतिकता बिर्सियौ भुल्यौ सिमा आफ्नो अनि
कुन आँटले दिन्छौ सुझाब बडो गजब लाग्छ

कति ठुलो कला छ है भ्रममा राख्ने तिम्रो यसै
पिँठ्युमा छुरा;हातमा गुलाब बडो गजब लाग्छ

पोल्छ कि कसो भत्भति अचेल छाती तिम्रो
आँशु पिउँछौ कि पिउँछौ सराब बडो गजब लाग्छ